India Post Gramin Dak Sevak Recruitment 2026 (23757 Posts)

भारतीय टपाल विभागामार्फत ग्रामीण डाक सेवक (GDS) अंतर्गत ब्रांच पोस्टमास्टर (BPM), असिस्टंट ब्रांच पोस्टमास्टर (ABPM) आणि डाक सेवक या पदांच्या एकूण २३,७५७ जागा भरण्यासाठी जाहिरात प्रसिद्ध करण्यात आली आहे.

या भरतीसाठी उमेदवारांनी मान्यताप्राप्त बोर्डातून १० वी परीक्षा उत्तीर्ण केलेली असणे आवश्यक आहे. त्यासोबतच गणित आणि इंग्रजी विषयात उत्तीर्ण असणे व स्थानिक भाषेचे ज्ञान असणे अनिवार्य आहे. उमेदवारांचे वय अर्ज करण्याच्या अंतिम तारखेनुसार १८ ते ४० वर्षांच्या दरम्यान असावे. शासकीय नियमांनुसार आरक्षित घटकांसाठी वयोमर्यादेत सूट लागू असेल.

उमेदवारांची निवड कोणतीही परीक्षा न घेता १० वीच्या गुणांच्या आधारे तयार केलेल्या संगणकीकृत गुणवत्ता यादीद्वारे (Merit List) केली जाईल. या भरतीसाठी अर्ज शुल्क १०० रुपये असून सर्व महिला, अनुसूचित जाती (SC), अनुसूचित जमाती (ST) आणि दिव्यांग उमेदवारांना अर्ज शुल्कातून सूट देण्यात आली आहे.

पात्र उमेदवारांनी ऑनलाइन अर्ज ३१ ऑगस्ट २०२६ ते २१ सप्टेंबर २०२६ या कालावधीत अधिकृत पोर्टलमार्फत सादर करायचे आहेत.